ڕۆژا سێشەمبی ڕێــککــەفتی (٢٠٢٥/٢/١٨) ل زانکۆیا زاخۆ - کۆلیژا زانست ب ئامادەبوونا ڕێزداران (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، لگەلدا بەرێزان (د. دیار احمد بلیج) ڕاگرا کۆلیژا زانست و (نوفل رشید حسین) ڕاگرێ کۆلیژا پزیشکی و (پ.هـ.د. فرست حیتو عبدالرحمن) ڕاگرێ کۆلیژا ئەندازیاری و (د. هەژار جمال یاسین) ڕاگرێ کۆلیژا یاسا و (پ.هـ.د. دیندار شمس الدین بری) ڕێڤەبەرێ گشتییێ سەنتەرێن ڤەکۆلینێن زانستی و (م. شڤان عبدی) کارگێری لژنا ناوچا زانین و مامۆستا و قوتابیێن زانکۆیێ، ڕێورەسمێن پیرۆزکرنا سالرۆژا دامەزراندنا ئێکەتیا قوتابیێن کوردستانێ (١٨)ـی شوباتێ بڕێڤەچوون.
ل دەستپێکێ ڕێورەسم، خۆلەکەک ڕاوەستان لگەل سرودا نشتیمانییا (ئەی ڕەقیب) وەک ڕێزگرتن بۆ گیانێ پاکێ شەهیدێن کوردستانێ و سەروەرێ وان بارزانیێ نەمر و شەهیدێن ئێکەتیا قوتابیان دەستپێکرن و پاشان پەیڤا زانکۆیێ ژلایێ ڕێزدار (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان ڤە هاتتە خواندن و تێدا پیرۆزباهیا ئەڤێ ڕۆژێ ل قوتابیان کر و بەحس ل کار و بزاڤێن وان و بەردەوامبوون ل پێشڤەچوون و سەرکەفتنێن وان کر، هەروەسا پەیڤا ئێکەتیا قوتابییێن کوردستانێ لقێ زانکۆیێ هاتە خواندن و ل دوماهیێ ئاهەنگەک بۆ قوتابیان هاتە گێران.